Ўзбекистоннинг энг йирик банкларидан бири «Асакабанк» Жанубий Кореянинг Эксимбанки, Korea Exchange Bank ва SMBC банкининг Сеул бўлими билан умумий қиймати 695 миллион доллар бўлган молиявий ҳужжатларн имзолади. Бу ҳақда UzReport хабар бермоқда.
Сеул шаҳрида май ойи охирида бўлиб ўтган Ўзбек-корейс бизнес форуми доирасида Корея Эксимбанки билан корейс компаниялари иштирокида инвестицион лойиҳаларни узоқ муддатли молиялаштириш учун 25 миллион АҚШ доллари миқдоридаги қўшимча келишув ва 500 миллион доллар миқдоридаги келишув имзоланди.
Шунингдек, Korea Exchange Bank билан 100 миллион доллар ва SMBC банкининг Сеул бўлими билан товарлар ва хизматларни етказиб бериш амалиётларини амалга оширишга имкон яратувчи, 70 миллион доллар миқдорида англашув Memoрандумига қўшимча келишув имзоланди.
«Мазкур маблағлар корейс компаниялари иштирокидаги инвестицион лойиҳаларни молийлаштиришга йўналтирилади», - дейилади банк матбуот хизмати хабарида.
Изоҳ (0)