2015-yilning 20-mayidan boshlab TATUda 2015—2016-yilgi o‘quv yilida bakalavriatura va magistratura yo’nalishlari abituriyentlari uchun onlayn ariza qabul qilish interaktiv xizmati ishga tushirildi, deb xabar beradi Toshkent Axborot texnologiyalari rasmiy sayti.
Bu tizim hozirgi vaqtda bakalavriatura abituriyentlari uchun qabul.tuit.uz hamda magistratura abituriyentlari uchun tuit-magistr.uz elektron manzili ostida o‘z faoliyatini olib bormoqda.
Bu tizim orqali o‘z hujjatlarini topshirmoqchi bo‘lgan abituriyentlar qabul.tuit.uz saytidan elektron pochtasi orqali ro‘yxatdan o‘tadi. Ro‘yxatdan o‘tish tugagandan so‘ng barcha ma’lumotlar to‘ldiradi.
Abituriyent barcha ma’lumotlari to‘liq va to‘g‘ri kiritilganiga ishonch hosil qilganidan so‘ng, tasdiqlash tugmasini bosgan holda ma’lumotlar kiritish jarayonini yakunlaydi.
Bu kiritilgan ma’lumotlar orqali abituriyentning TATU Rektori nomiga arizasi, abituriyent qayd varaqasi va yig‘ma jildi blankalari avtomatik ravishda PDF formatda shakllantiriladi hamda abituriyent topshirgan yo‘nalishiga mos maxsus raqam beriladi.
Abituriyent maxsus raqam va ariza shaklini chop qilgan holda o‘zining haqiqiy hujjatlarini qabul komissiyasining mas’ul shaxsiga taqdim etadi va hujjatlarini topshirib ketish imkoniyatiga ega bo‘ladi.
Abituriyentlarning onlayn ariza topshirish jarayoni sxemasi:
Tizim orqali abituriyentlar qabul komissiyasiga doir yangiliklar bo‘yicha ma’lumotlarni taqdim etish imkoniyatlari ishlab chiqiladi.
Kelajakda abituriyentlarga ularning uyali telefonlariga qabul komissiyasidagi yangiliklarni SMS orqali jo‘natish rejalashtirilgan.
Izoh (0)