26 va 24 yoshli opa-singillar Toshkent shahri Yakkasaroy tumanidagi anhor bo‘ylab sayrga chiqqandi. Shu payt ularning yoniga ikki yigit keldi, deb xabar beradi “Na postu” gazetasi.
Ko‘rinishidan tarbiyali ko‘ringan yigitlar “chiroyli qizlar bilan tanishishni istashayotgani”ni ma’lum qildi. Qizlar muloyimlik bilan taklifni rad etdi. Yigitlarni bunday javob qoniqtirmadi va ular yanada qat’iylik bilan opa-singillardan o‘z ismlari va telefon raqamlarini aytishini talab qildi.
Bu ham ish bermaganidan so‘ng yigitlar bechora qizlarni kaltaklashga tushdi. Qizlar yordam so‘rab shovqin solishni boshlagach, ular tezda “juftakni rostladi”.
Tan jarohatlari olgan qizlar tibbiy yordamga murojaat etdi. Shu bilan birga bo‘lib o‘tgan voqeani ichki ishlar idoralariga xabar qildi. Jabrdiydalar bergan ko‘rsatma asosida mushtumzo‘rlar tezda topildi. Ular 26 va 21 yoshli ikki yigit bo‘lib chiqdi.
Izoh (0)