2015 йилнинг 20 майидан бошлаб ТАТУда 2015—2016 йилги ўқув йилида бакалавриатура ва магистратура йўналишлари абитуриентлари учун онлайн ариза қабул қилиш интерактив хизмати ишга туширилди, деб хабар беради Тошкент Ахборот технологиялари расмий сайти.
Бу тизим ҳозирги вақтда бакалавриатура абитуриентлари учун qabul.tuit.uz ҳамда магистратура абитуриентлари учун tuit-magistr.uz электрон манзили остида ўз фаолиятини олиб бормоқда.
Бу тизим орқали ўз ҳужжатларини топширмоқчи бўлган абитуриентлар qabul.tuit.uz сайтидан электрон почтаси орқали рўйхатдан ўтади. Рўйхатдан ўтиш тугагандан сўнг барча маълумотлар тўлдиради.
Абитуриент барча маълумотлари тўлиқ ва тўғри киритилганига ишонч ҳосил қилганидан сўнг, тасдиқлаш тугмасини босган ҳолда маълумотлар киритиш жараёнини якунлайди.
Бу киритилган маълумотлар орқали абитуриентнинг ТАТУ Ректори номига аризаси, абитуриент қайд варақаси ва йиғма жилди бланкалари автоматик равишда PDF форматда шакллантирилади ҳамда абитуриент топширган йўналишига мос махсус рақам берилади.
Абитуриент махсус рақам ва ариза шаклини чоп қилган ҳолда ўзининг ҳақиқий ҳужжатларини қабул комиссиясининг масъул шахсига тақдим этади ва ҳужжатларини топшириб кетиш имкониятига эга бўлади.
Абитуриентларнинг онлайн ариза топшириш жараёни схемаси:
Тизим орқали абитуриентлар қабул комиссиясига доир янгиликлар бўйича маълумотларни тақдим этиш имкониятлари ишлаб чиқилади.
Келажакда абитуриентларга уларнинг уяли телефонларига қабул комиссиясидаги янгиликларни SMS орқали жўнатиш режалаштирилган.
Изоҳ (0)