2015-yilning 8-iyun kuni O‘zbekiston Respublikasi tashqi ishlar Vaziri Abdulaziz Kamilov O‘zbekistonga tashrif buyurgan Islom hamkorlik tashkiloti Bosh kotibi Iyad Amin Madani boshchiligidagi delegatsiya bilan uchrashdi. Bu haqda O‘zbekiston Tashqi ishlar vazirligi rasmiy sayti xabar bermoqda.
Suhbat chog‘ida O‘zbekiston va IHT o‘rtasidagi hamkorlikning hozirgi holati va ularni yanada chuqurlashtirishning ustuvor yo‘nalishlari hamda bugungi kunda 57 ta davlatni birlashtirgan tashkilotda O‘zbekistonning ishtiroki muhokama qilindi.
Uchrashuvda IHTga a’zo davlatlar Tashqi ishlar vazirlari kengashida O‘zbekistonning 2016-yildagi bo‘lajak raisligi hamda TIVKning Toshkent shahridagi navbatdagi yig‘ilishiga tayyorgarlik va uni o‘tkazishning amaliy masalalariga alohida e’tibor qaratildi.
Izoh (0)