Rossiyadagi “Nash futbol” telekanalida “Futbol oshxonasi” ko‘rsatuvini olib boradigan Viktoriya Lopireva Moskvaning “Lokomotiv” klubida to‘p suruvchi o‘zbekistonlik Vitaliy Denisovning ko‘rsatuvdagi ishtirokidan hayron qolganini bildirdi, deb xabar beradi “Uff.uz”.
“Ko‘rsatuvda ishtirok etganlardan kim ko‘proq hayron qoldirdi? “Lokomotiv” himoyachisi Vitaliy Denisov. U ham tarbiyasi bilan, ham taomni yaxshi tayyorlashi bilan hayron qoldirdi. Vitaliy bilan keyingi safar osh tayyorlashga kelishib qo‘ydik. Axir u O‘zbekistondan-ku”, — deydi Lopireva.
Viktoriya Lopireva “Miss Rossiya—2003” hisoblanadi. U 2015-yil boshidan beri “Futbol oshxonasi” ko‘rsatuvini olib boradi. Hozirgacha uning dasturida Vitaliy Denisovdan tashqari Roman Pavlyuchenko, Dmitriy Bulikin, Sergey Davidov, Leonid Slutskiy va boshqalar ishtirok etdi.
Izoh (0)