O‘zbekiston yoshlar terma jamoasi jahon chempionati, guruh bosqichi ikkinchi turida Germaniyaga qarshi maydonga tushdi va yirik hisobda mag‘lubiyatga uchradi, deb xabar beradi “Uff.uz”.
Uchrashuvda Germaniya yoshlar terma jamoasi 3:0 hisobida g‘alabaga erishgan. O‘yin boshidan oxiriga qadar nemislar tashabbusi ostida o‘tdi. Ravshan Haydarov jamoasi esa himoya bilan band bo‘ldi. Faqat ikkinchi goldan so‘ng o‘zbekistonlik yoshlar hujumga o‘ta boshladi.
Ammo O‘zbekiston terma jamoasi juda kech hujumga o‘tdi. Bu vaqtga kelib Germaniya tashabbusni batamom o‘z qo‘liga olib ulgurgan va biror narsani o‘zgartirishning imkoniyati juda oz edi. Oqibatda nemislar uchinchi golni ham urdi.
Shu tariqa Germaniya terma jamoasi muddatidan oldin nimchorak final yo‘llanmasini qo‘lga kiritib bo‘ldi. O‘zbekiston yoshlar terma jamoasi esa oxirgi turda Fijiga qarshi kechadigan o‘yinda yana bir bor o‘z baxtini sinab ko‘radi.
Ayni vaqtda Germaniyada 6 ochko, Gonduras va Fiji termalarida 3 ochko mavjud, O‘zbekiston esa bironta ham ochko to‘plolmay guruhda so‘nggi o‘rinda bormoqda.
U-20 JCh-2015. F guruhi. 2-tur
Germaniya — O‘zbekiston — 3:0 (1:0)Gollar: Shtendera (33), Akpoguma (53), Shtendera (85).Germaniya U-20: Shvabe, Proyemel, Akpoguma, Shtark, Oyeztunali, Shteynman, Shtendera (Sayr, 89), Brandt (Dudziak, 68), Kempf, Bauer, Muxtar (Koyepke 74).O‘zbekiston U-20: Dilshod Hamroyev, Rustam Ashurmatov (Xurshid G‘iyosov, 68), Ibrohim Abdullayev, Odil Hamrobekov, Akrom Komilov, Javohir Sohibov, Eldor Shomurodov, Otabek Shukurov (Mirjamol Qosimov, 86), Doston Hamdamov (Sardor Azimov, 88), Zabihillo O‘rinboyev, Doston Tursunov.Ogohlantirish: Ashurmatov (20).
Izoh (0)