Hindiston sharqidagi Manipur shtatida qurollangan erkaklar hujumi natijasida halok bo‘lgan harbiy xizmatchilar soni 20 kishiga yetdi. Bu haqda “RIA Novosti” xabar bermoqda.
Armiya vakilining so‘zlariga ko‘ra, qo‘shni tumandan Manipur shtati poytaxti Impxalga qaytayotgan vaqtida to‘rt avtomobildan iborat harbiylar karvoni granatalardan o‘qqa tutilgan.
Hozircha hech bir guruh ushbu hodisa uchun javobgarlikni o‘z bo‘yinga olganicha yo‘q. IANS agentligi xabariga ko‘ra, bu so‘nggi o‘n yillikda Hindiston harbiylariga qarshi qaratilgan eng jiddiy hujum bo‘ldi.
Ma’lumot uchun, Manipur Hindiston shimoli-sharqidagi eng notinch shtatlardan biri bo‘lib qolmoqda. So‘nggi yillardan beri ayirmachilar va huquqni muhofaza qilish organlari o‘rtasidagi to‘qnashuvlar natijasida shtatda har yili yuzlab odamlar halok bo‘lmoqda.
Izoh (0)