Ҳиндистон шарқидаги Манипур штатида қуролланган эркаклар ҳужуми натижасида ҳалок бўлган ҳарбий хизматчилар сони 20 кишига етди. Бу ҳақда «РИА Новости» хабар бермоқда.
Армия вакилининг сўзларига кўра, қўшни тумандан Манипур штати пойтахти Импхалга қайтаётган вақтида тўрт автомобилдан иборат ҳарбийлар карвони гранаталардан ўққа тутилган.
Ҳозирча ҳеч бир гуруҳ ушбу ҳодиса учун жавобгарликни ўз бўйинга олганича йўқ. IANS агентлиги хабарига кўра, бу сўнгги ўн йилликда Ҳиндистон ҳарбийларига қарши қаратилган энг жиддий ҳужум бўлди.
Маълумот учун, Манипур Ҳиндистон шимоли-шарқидаги энг нотинч штатлардан бири бўлиб қолмоқда. Сўнгги йиллардан бери айирмачилар ва ҳуқуқни муҳофаза қилиш органлари ўртасидаги тўқнашувлар натижасида штатда ҳар йили юзлаб одамлар ҳалок бўлмоқда.
Изоҳ (0)