NASA olimlari galaktikamizdagi 500 millionga yaqin sayyoralar yashash uchun yaroqli bo‘la olishi haqida taxmin bildirdi, deya xabar bermoqda “Informing.ru”.
30-may kuni Vashingtonda bo‘lib o‘tgan AQSh Fanga ko‘maklashuv assotsiatsiyasining yillik anjumanida mutaxassislar so‘zlab berishicha, bunday ma’lumotlar “Kepler” teleskopi yordamida olingan, u koinotda Yerga o‘xshash ekzosayyoralar mavjud bo‘lishi mumkinligini tasdiqlagan.
Samoning bor-yo‘g‘i 400 dan bir qisminigina qamrab oluvchi “Kepler” astronomik yo‘ldoshi olti yil davomida ma’lumot to‘pladi. Olingan axborot tahlil qilingach, olimlar Somon yo‘lidagi 50 milliardta sayyoradan 500 milliontasi Yerdagiga o‘xshash yashash sharoitlariga ega ekanligi haqida ishonch bildirdi.
Ushbu masalani o‘rganish davom etmoqda.
Izoh (0)