Misr sobiq prezidenti Muhammad Mursiy Misr fuqaroligidan voz kechib, uchinchi mamlakat fuqaroligini qabul qilishi mumkin. “RIA Novosti” xabariga ko‘ra, amaldagi Misr qonunchiligi bo‘yicha ushbu jarayon Mursiyga o‘lim jazosidan qutilib qolish imkonini beradi.
Seshanba kuni Qohira sudi chet el razvedkasi uchun josuslik qilish va 2011-yil yanvaridagi tartibsizliklar vaqtida qamoqdan ommaviy qochish ishlari bo‘yicha sobiq prezident va “Musulmon birodarlar” diniy tashkilotining 100dan ortiq a’zosiga nisbatan yakuniy hukmni o‘qib eshittirishi kerak. Mursiy va uning 121 safdoshiga o‘lim jazosi tahdid solmoqda.
Ma’lumotlarga ko‘ra, “Musulmon birodarlar” harakati hozirgi vaqtda Mursiyni o‘lim saqlab qolish maqsadida Misr fuqaroligidan voz kechib, mamlakatda yaqinda qabul qilingan va shunday jarayonga imkon beradigan qonun asosida Misrdan deportatsiya qilinishi imkoniyatlarini o‘rganib chiqmoqda.
Yaqinda xuddi shunday holat “Musulmon birodarlar”ning faollaridan biri – Muhammad Sulton bilan sodir bo‘ldi. U umrbod ozodlikdan mahrum etilgandi. Misr fuqaroligidan voz kechganidan so‘ng u AQSHga deportatsiya qilindi, chunki unda ushbu mamlakat pasporti bor edi va Amerika ma’muriyati uni qabul qilishga rozi bo‘ldi.
Tahlilchilarning fikricha, Mursiyning AQSH pasportini qo‘lga kiritishi ancha qiyin masala, biroq, boshqa ma’lumotlarga ko‘ra, u bemalol Turkiya fuqaroligiga umid qilishi mumkin. Ayni vaqtda, “Musulmon birodarlar” tashkiloti Misr rahbariyati, G‘arb bosim o‘tkazib turgan taqdirda ham, voqealarning bunday rivojiga to‘sqinlik qilishi mumkin. Bundan tashqari, Sultondan farqli o‘laroq, Mursiyga o‘lim jazosi xavf solmoqda va bu ham vaziyatga ta’sir qilishi mumkin.
Izoh (0)