2015 йилнинг июнь ойидан Жаҳон Чемпионати—2018 саралашининг иккинчи босқичи старт олади. Ўзбекистон терма жамоаси ўзининг саралаш босқичидаги дастлабки учрашувини 16 июнда ўтказади. Шу куни Миржалол Қосимов шогирдлари Пхеньянда КХДР терма жамоасига қарши майдонга тушади, деб хабар қилади Ўзбекистон футбол федерацияси матбуот хизмати.
Олдинда турган ўйинларга Ўзбекистон миллий терма жамоаси 8 июндан бошлаб тайёргарлик кўради. 11 июнь куни «Бунёдкор» стадионида жамоа Эрон термасига қарши ўртоқлик учрашуви ўтказади. Тошкентдаги йиғин 14 июнгача давом этади ва шундан сўнг жамоа Пхеньянга учиб кетади.
Ўзбекистон миллий терма жамоаси мураббийлар штаби ушбу йиғин ва олдиндаги икки ўйинда иштирок этадиган футболчилар рўйхатини маълум қилди.
Дарвозабонлар: Элдор Суюнов («Насаф»), Акбар Тўраев («Бунёдкор»), Игнатий Нестеров («Локомотив»).
Ҳимоячилар: Анзур Исмоилов («Чанчун Ятай», Хитой), Шавкат Муллажонов («Локомотив»), Шуҳрат Муҳаммадиев («Насаф»), Егор Кримец («Пахтакор»), Ислом Тўхтахўжаев («Локомотив»), Виталий Денисов («Локомотив», Россия), Акмал Шораҳмедов («Бунёдкор»), Фаррух Сайфиев («Насаф»).
Ярим ҳимоячилар: Азиз Ҳайдаров («Аш-Шабоб», БАА), Одил Аҳмедов («Краснодар», Россия), Сервер Жепаров («Ульсан Хёндай», Жанубий Корея), Лутфулла Тўраев («Локомотив»), Санжар Турсунов («Ворскла», Украина), Сардор Рашидов («Бунёдкор»), Шоҳрух Гадоев («Насаф»), Икром Алибоев («Локомотив»), Жасур Ҳасанов («Локомотив»), Фозил Мусаев («Сепахон», Эрон).
Ҳужумчилар: Зоҳир Қўзибоев («Машъал»), Баҳодир Насимов («Падидеҳ», Эрон), Игорь Сергеев («Пахтакор»).
Изоҳ (0)