«Бухоро» жамоаси Ўзбекистон чемпионати тарихидаги энг ёмон стартини бошдан кечирмоқда. Шу муносабат билан раҳбарият томонидан жамоа мураббийлар штабида жиддий ўзгартиришлар амалга оширилди, деб хабар қилади «Uff.uz».
Жамоада Мочиновдан сўнг вақтинчалик бош мураббий вазифасини бажарган Шуҳрат Файзиев истеъфога чиқарилди. Ундан ташқари дарвозабонлар мураббийи бўлиб ишлаб келган Нурилло Ҳабибовга ва жисмоний тайёргарлик бўйича мураббий Евгений Антоненкога ҳам жавоб берилди.
2 июнь куни жамоа аъзолари билан ташкиллаштирилган йиғилишда, расман Жамшид Саидов «Бухоро»нинг бош мураббийи сифатида таништирилди. Клубнинг жисмоний тайёргарлик бўйича мураббийи лавозимига Кадимов Вюгар тайинланди.
Катта эҳтимол билан даврозабонлар мураббийи этиб Сергей Захарецкий тайинланади. Булардан ташқари жамоага яна 2—3 та мураббийлар ташриф буюриши кутилмоқда.
Жамоа раҳбариятида ҳам ўзгариш бўлди. Клубда директор вазифасида ишлаб келган Амрилло Нажмиддинов ўрнига Алишер Рустамов иш бошлади.
Изоҳ (0)