Hindistonning janubiy shtatlarida kuzatilayotgan jazirama natijasida halok bo‘lganlar soni 1774 kishiga yetdi, deb xabar qiladi “Korrespondent”.
Oldinroq bir sutka ichida 200 kishi vafot etgani xabar qilingandi.
So‘nggi hafta ichida Andxra-Pradesh shtatida 1334 kishi, Telangada 440 kishi hayotdan ko‘z yumdi.
Telanga va Andxra-Pradesh shtatlarida 47 daraja issiqlik kuzatilmoqda. Bunday harorat yana 3—4 kun kuzatilishi taxmin qilinmoqda.
Hindiston hukumati shifokorlarni zarur bo‘lgan hollarda aholiga shoshilinch tibbiy yordam ko‘rsatishga shay bo‘lib turishga chaqirdi. Shifokorlar ko‘proq suv ichishni, ko‘chaga kamroq chiqishni va jismoniy faollikdan saqlanishni maslahat bermoqda. Chet ellik sayyohlarga shu kunlarda Hindistonga kelishdan tiyilib turish tavsiya qilindi.
Izoh (0)