AQShning Vashington shtati Sietl shahrida mashinaga o‘g‘rilikka kirgan shaxs uning egalariga bir million dollar pul yutishda yordam berdi, deya xabar qiladi NBC News. Ushbu o‘g‘rilik tufayli amerikalik er-xotin o‘zlari avvalroq yo‘qotib qo‘ygan lotereya chiptasini topdi. Lotereya jek-poti 350 million dollarni tashkil etgan.
Er-xotinning mashinasiga o‘g‘ri kirib, haydovchi o‘rindig‘i tepasidagi bo‘lmachada yotgan ko‘zoynakni o‘mardi. Lotereya chiptasi esa shuncha vaqtdan buyon uning ortida turgan bo‘lgan, biroq yovuz niyatli kishining diqqatini tortmagan.
Ismlarini oshkor etishni istamagan er-xotin chiptani fevraldayoq sotib olgan, biroq uni qayerga qo‘yganini unutgan edi. Endi ular bir million dollarlik yutuqni Fransiya va Islandiyaga sayohat qilish va uylarini ta’mirlashga sarflamoqchi.
Izoh (0)