Angliyaning Kambriy grafligida istiqomat qiluvchi ishsiz ayol ko‘p bolali ekanligi uchun 2003-yildan beri har hafta 15 funt miqdorida olib turgan ijtimoiy to‘lovlarini plastik jarrohliklar uchun sarfladi. Metro’ning xabar berishicha, Andrea Daltsell ismli ayol ushbu operatsiyalar uchun umumiy hisobda 20 ming funt (30 ming dollar atrofida) pul sarflagan.
To‘rt farzandning onasi hisoblangan Daltsellning so‘zlariga ko‘ra, u juda tejamkor hayot tarzini olib boradi. Masalan, u kuniga faqat bir marta ovqatlanadi. Uning aytishicha, u pullarni maqsadli tarzda, plastik jarrohlarning xizmatini to‘lash uchun to‘plab borgan. “Operatsiya qildirishimni bilardim, chunki ajinlar, ko‘z ostidagi qopchalar va oqargan soch – men uchun emas”, - dedi Daltsell.
Ishsiz ayolning operatsiyalari Britaniya Soliq to‘lovchilar ittifoqi tomonidan tanqidiy kutib olindi. “Ijtimoiy to‘lovlar kosmetik xirurgiya xizmatlarini to‘lash uchun emas, balki eng kam ta’minlanganlarni qo‘llab-quvvatlash uchun ishlatilishi shart”, - dedi tashkilot ijrochi direktori Jonatan Isabi.
Izoh (0)