Qirg‘izistondagi yillik o‘lim holatlarining 27 foiziga tamaki chekish sababchi ekanligi ma’lum bo‘ldi

Qirg‘izistonda har yili qayd etiladigan o‘lim holatlarining 27 foiziga tamaki chekish sabab bo‘lmoqda. Bu haqda Knews.kg xabar bermoqda.

Xabar berishlaricha, muntazam tamaki iste’mol qilish 25 turli kasalliklarga sabab bo‘ladi, ular orasida Qirg‘izistonda eng ko‘p tarqalgani yurak-qon tomir kasalliklari bo‘lib, bu infarktga, miya qon aylanishining kuchli buzilishiga, qo‘l-oyoqlarning qorasonga uchrashiga, o‘pka saratoni kabi onkologik kasalliklarga olib keladi.

Qirg‘izistonda tamaki chekish natijasida vafot etganlarning 50 foizi o‘limiga yurak-qon tomir kasalliklariga sabab bo‘lgan. Mamlakat sog‘liqni saqlash vazirligidan ma’lum qilishlaricha, 30 yoshgacha vafot etgan erkaklarning 22 foizi, ayollarning 5 foizi o‘limiga aynan tamaki sabab bo‘lgan.