Ҳиндистоннинг жанубий штатларида кузатилаётган жазирама натижасида ҳалок бўлганлар сони 1774 кишига етди, деб хабар қилади «Корреспондент».
Олдинроқ бир сутка ичида 200 киши вафот этгани хабар қилинганди.
Сўнгги ҳафта ичида Андхра-Прадеш штатида 1334 киши, Телангада 440 киши ҳаётдан кўз юмди.
Теланга ва Андхра-Прадеш штатларида 47 даража иссиқлик кузатилмоқда. Бундай ҳарорат яна 3—4 кун кузатилиши тахмин қилинмоқда.
Ҳиндистон ҳукумати шифокорларни зарур бўлган ҳолларда аҳолига шошилинч тиббий ёрдам кўрсатишга шай бўлиб туришга чақирди. Шифокорлар кўпроқ сув ичишни, кўчага камроқ чиқишни ва жисмоний фаолликдан сақланишни маслаҳат бермоқда. Чет эллик сайёҳларга шу кунларда Ҳиндистонга келишдан тийилиб туриш тавсия қилинди.
Изоҳ (0)