Rossiya prezidentining korrupsiyaga qarshi kurash boshqarmasi rahbari Oleg Ploxoy Xitoy hukumatining mamlakat amaldorlarini sobiq hamkasblari jazoni o‘tayotgan qamoqxonalarga sayrga olib borish amaliyotini qo‘llab-quvvatladi. Bu haqda RBC.ru xabar bermoqda.
“O‘ylashimcha, bu yetarli darajada samarali profilaktika chorasidir”, - dedi Ploxoy Sankt-Peterburgda bo‘lib o‘tgan xalqaro yuridik forumda.
Ayni vaqtda, Oleg Ploxoy Rossiyada ham shunday choralar joriy etilishi ehtimoliga aniqlik kiritmadi.
“RIA Novosti”ning Xitoy Adliya vaziri Xan Xenlinga asoslanib xabar berishicha, o‘tgan bir yil davomida butun Xitoy bo‘ylab 26 mingdan ortiq amaldor korrupsiya va poraxo‘rlikda ayblanib, sudlangan.
Izoh (0)