АҚШнинг Вашингтон штати Сиэтл шаҳрида машинага ўғриликка кирган шахс унинг эгаларига бир миллион доллар пул ютишда ёрдам берди, дея хабар қилади NBC News. Ушбу ўғрилик туфайли америкалик эр-хотин ўзлари аввалроқ йўқотиб қўйган лотерея чиптасини топди. Лотерея жек-поти 350 миллион долларни ташкил этган.
Эр-хотиннинг машинасига ўғри кириб, ҳайдовчи ўриндиғи тепасидаги бўлмачада ётган кўзойнакни ўмарди. Лотерея чиптаси эса шунча вақтдан буён унинг ортида турган бўлган, бироқ ёвуз ниятли кишининг диққатини тортмаган.
Исмларини ошкор этишни истамаган эр-хотин чиптани февралдаёқ сотиб олган, бироқ уни қаерга қўйганини унутган эди. Энди улар бир миллион долларлик ютуқни Франция ва Исландияга саёҳат қилиш ва уйларини таъмирлашга сарфламоқчи.
Изоҳ (0)