Англиянинг Камбрий графлигида истиқомат қилувчи ишсиз аёл кўп болали эканлиги учун 2003 йилдан бери ҳар ҳафта 15 фунт миқдорида олиб турган ижтимоий тўловларини пластик жарроҳликлар учун сарфлади. Metro’нинг хабар беришича, Андреа Далцелл исмли аёл ушбу операциялар учун умумий ҳисобда 20 минг фунт (30 минг доллар атрофида) пул сарфлаган.
Тўрт фарзанднинг онаси ҳисобланган Далцеллнинг сўзларига кўра, у жуда тежамкор ҳаёт тарзини олиб боради. Масалан, у кунига фақат бир марта овқатланади. Унинг айтишича, у пулларни мақсадли тарзда, пластик жарроҳларнинг хизматини тўлаш учун тўплаб борган. «Операция қилдиришимни билардим, чунки ажинлар, кўз остидаги қопчалар ва оқарган соч – мен учун эмас», - деди Далцелл.
Ишсиз аёлнинг операциялари Британия Солиқ тўловчилар иттифоқи томонидан танқидий кутиб олинди. «Ижтимоий тўловлар косметик хирургия хизматларини тўлаш учун эмас, балки энг кам таъминланганларни қўллаб-қувватлаш учун ишлатилиши шарт», - деди ташкилот ижрочи директори Жонатан Исаби.
Изоҳ (0)