Saudiya Arabistoni neft strategiyasini o‘zgartirmoqchi emasligini ma’lum qildi

Saudiya Arabistoni neft qazib chiqarish sohasidagi strategiyasini muvaffaqiyatli deb hisoblamoqda. Bu haqda saudiyalik amaldorning so‘zlariga tayanib, “RBK” xabar qilmoqda.

Aprel oyida Saudiya Arabistoni bir sutkada neft qazib chiqarishni rekord daraja — 10,3 million barrelga olib chiqdi. Mamlakat o‘zining bu siyosatini o‘zgartirmoqchi emas.

Amaldor Ar-Riyod “neft davri”ni uzaytirish niyatida ekanligini ta’kidladi.

“Biz quvvatning asosiy manbasi sifatida neft ishlatilishini va bu energiyaning asosiy ishlab chiqaruvchisi bo‘lishini istaymiz”, — dedi saudiyalik amaldor.

U yana neft narxining tushishi investorlarni Amerikaning qimmat neftidan cho‘chitib qo‘yganini ham ta’kidlab o‘tdi. Nashr suhbatdoshi boshqa raqobatchilar, shu jumladan OPEK tashkilotiga a’zo davlatlar borligiga ham qaramay, Saudiya Arabistoni quvvat bozorida yetakchilik qilmoqchi ekanligini alohida aytib o‘tdi.

Amaldor ular narxning eng tubiga yetgani va ayni vaqtda narxlarning yana oshish ehtimoli yo‘qligini ta’kidladi.