Саудия Арабистони нефть қазиб чиқариш соҳасидаги стратегиясини муваффақиятли деб ҳисобламоқда. Бу ҳақда саудиялик амалдорнинг сўзларига таяниб, «РБК» хабар қилмоқда.
Апрель ойида Саудия Арабистони бир суткада нефть қазиб чиқаришни рекорд даража — 10,3 миллион баррелга олиб чиқди. Мамлакат ўзининг бу сиёсатини ўзгартирмоқчи эмас.
Амалдор Ар-Риёд «нефть даври»ни узайтириш ниятида эканлигини таъкидлади.
«Биз қувватнинг асосий манбаси сифатида нефть ишлатилишини ва бу энергиянинг асосий ишлаб чиқарувчиси бўлишини истаймиз», — деди саудиялик амалдор.
У яна нефть нархининг тушиши инвесторларни Американинг қиммат нефтидан чўчитиб қўйганини ҳам таъкидлаб ўтди. Нашр суҳбатдоши бошқа рақобатчилар, шу жумладан ОПЕК ташкилотига аъзо давлатлар борлигига ҳам қарамай, Саудия Арабистони қувват бозорида етакчилик қилмоқчи эканлигини алоҳида айтиб ўтди.
Амалдор улар нархнинг энг тубига етгани ва айни вақтда нархларнинг яна ошиш эҳтимоли йўқлигини таъкидлади.
Изоҳ (0)