Irlandiya respublikasida olti kishi shahzoda Charlz va uning turmush o‘rtog‘i Kamillaga qarshi terrorchilik harakatini tayyorlashda gumon qilinib, hibsga olindi. Bu haqda The Daily Mirror xabar bermoqda.
Nashrning taxminicha, gumonlanuvchilar “muvaqqat” Irlandiya respublikachilar armiyasi (IRA) va “haqiqiy” IRAga aloqadordir.
Shahzoda Charlz 19-may kuni Irlandiyaning Mallahmor qishlog‘iga tashrif buyurib, qarindosh bobosini xotirlash niyatida edi. 1979-yili IRA jangarilari shu yerda lord Mauntbettenni o‘ldirib ketishgandi.
“Muvaqqat” IRA tashkilot ichidagi inqiroz oqibatida 1969-yili tashkil etilgandi. Uning maqsadi – Shimoliy Irlandiyani Birlashgan Qirollik tarkibidan chiqarib, mustaqil qilish. “Haqiqiy” IRA esa 1997-yili “muvaqqat” IRAdan yuz o‘girgan, bunga “muvaqqat” tashkilot a’zolari o‘t ochishni to‘xtatish to‘g‘risidagi bitimni qo‘llab-quvvatlagani sabab bo‘lgan.
Izoh (0)