Россия президенти матбуот котиби Дмитрий Песков Владимир Путиннинг АҚШ бош котиби Жон Керри билан 12 май куни Сочида учрашиши ҳақидаги маълумотни тасдиқламади, деб ёзади «Ведомости».
«Бундай учрашув ўтказиладиган тақдирда, хабар берамиз», — деди Песков «Говорит Москва» радиостанцияси эфирида. Унинг сўзларига кўра, Путиннинг Керри билан учрашиши ҳақидаги қарор қабул қилинганича йўқ.
Аввалроқ АҚШ давлат департаменти Жон Керри 12 май куни Сочида Россия президенти Владимир Путин, ташқи ишлар вазири Сергей Лавров ва Россиянинг бошқа расмийлари билан учрашиши ҳақида хабар берган эди.
«Жон Керри икки томонлама ва минтақавий долзарб, хусусан, Эрон, Сурия ва Украинага доир масалаларни муҳокама қилади. Ташриф Россиянинг юқори мартабали вакиллари билан бевосита алоқаларни сақлаб қолиш ва АҚШнинг ёндашувларини тушунтириш бўйича давом этаётган уринишларимизнинг бир қисмидир», – дейилади АҚШнинг Россиядаги элчихонаси хабарида.
Изоҳ (0)