NASA’ning inson yoki boshqa mavjudot turgan joyni yurak urishiga ko‘ra topa oladigan innovatsion texnologiyasi Nepaldagi haqiqiy sharoitlarda sinab ko‘rildi. News.Liga.net’ning yodga solishicha, Nepal 25-aprel kuni sodir bo‘lgan vayronkor zilziladan jiddiy zarar ko‘rgandi.
Xabar berishlaricha, AQSH Ichki xavfsizlik vazirligi tomonidan NASA mutaxassislari bilan hamkorlikda ishlab chiqilgan moslama shoshilinch ravishda Nepalga yetkazilgan va u vayronalar ostida qolib ketgan to‘rt kishining qutqarilishiga yordam bergan.
Ishlab chiquvchilarning so‘zlariga ko‘ra, moslama 2013-yilda tayyorlangandi, biroq uni haqiqiy dala sharoitida endi sinab ko‘rishdi. Uskuna vayronalar ostida 10 metrgacha, beton ostida 7 metrgacha va ochiq makonda 30 metrgacha chuqurlikdagi inson yuragi urishini mikroto‘lqinli radar orqali aniqlaydi.
Texnologiyani takomillashtirishning keyingi bosqichi sifatida detektor qurilmani robotlashtirilgan tizimlar bilan biriktirishdan iborat. Ya’ni, bunda robot mustaqil ravishda vayronalar ostidagi odamni topadi va uni qutqarish yo‘llarini aniqlaydi.
Izoh (0)