Ericsson kompaniyasi Yevropada Apple’ga qarshi sud da’volari bilan yurish qilishni boshladi. 3dnews.ru xabariga ko‘ra, Apple o‘zining iPhone va iPad qurilmalarida foydalanayotgan texnologiyalar uchun Shvetsiya ishlab chiqaruvchisiga litsenziya to‘lovlarini amalga oshirishi kerak.
Agar Yevropa mamlakatlari sudlari Apple’ni o‘z smartfon va planshetlarida Ericsson patentlaridan noqonuniy foydalanganlikda aybdor deb topsa, AQSH ishlab chiqaruvchisining Yevropadagi savdolari cheklanishi mumkin. Ericsson 2G va 4G aloqa texnologiyalari, yarimo‘tkazgichli qismlar va simsiz kommunikatsiyalarga aloqador masalalar yuzasidan sudga murojaat qilgan.
Ericsson 2015-yil boshida aynan shu masalalar yuzasidan da’volarini AQSH sudi va Savdo bo‘yicha xalqaro komissiyasi muhokamasiga kiritgan va AQSH kompaniyasi gadjetlari sotilishini taqiqlab qo‘yishni talab qilgandi.
Izoh (0)