AQShning Texas va Arkanzas shtatlarida ro‘y bergan tornado tufayli qurbon bo‘lganlar soni 5 kishiga yetdi, jabrlanganlar esa 50 tadan oshib ketdi, deb xabar qiladi “Korrespondent.net”.
Texas gubernatori Greg Ebbott shtatning bir nechta okrugida ro‘y bergan tornado va suv toshqinlari sabab favqulodda holat joriy qildi.
“Bugun gubernator Greg Ebbott Boske, Kley, Denton, Istlend, Geynz, Monteyg va Van-Zand okruglaridagi tabiiy ofatlar tufayli favqulodda holat joriy qildi va shtat resurslarini jabrlanganlarga yordam berishga yo‘naltirish to‘g‘risida buyruq berdi”, — deyiladi shtat rahbarining saytidagi xabarda.
O‘z navbatida Arkanzas gubernatori Asa Xatchinson 10 ta okrugni tabiiy ofatlar sodir bo‘lgan hudud deb e’lon qildi.
Oldinroq 10-may kuni AQShda tropik to‘fon, 2 ta tornado va bir zilzila yuz berganini xabar qilgandik.
Izoh (0)