АҚШнинг Техас ва Арканзас штатларида рўй берган торнадо туфайли қурбон бўлганлар сони 5 кишига етди, жабрланганлар эса 50 тадан ошиб кетди, деб хабар қилади «Корреспондент.net».
Техас губернатори Грег Эбботт штатнинг бир нечта округида рўй берган торнадо ва сув тошқинлари сабаб фавқулодда ҳолат жорий қилди.
«Бугун губернатор Грег Эбботт Боске, Клей, Дентон, Истленд, Гейнз, Монтейг ва Ван-Занд округларидаги табиий офатлар туфайли фавқулодда ҳолат жорий қилди ва штат ресурсларини жабрланганларга ёрдам беришга йўналтириш тўғрисида буйруқ берди», — дейилади штат раҳбарининг сайтидаги хабарда.
Ўз навбатида Арканзас губернатори Аса Хатчинсон 10 та округни табиий офатлар содир бўлган ҳудуд деб эълон қилди.
Олдинроқ 10 май куни АҚШда тропик тўфон, 2 та торнадо ва бир зилзила юз берганини хабар қилгандик.
Изоҳ (0)