Nepalda 12-may, seshanba kuni ro‘y bergan yangi, 7,3 magnitudali zilzila natijasida halok bo‘lganlar soni 36 kishiga yetdi. Bu haqda News.Liga.net xabar bermoqda.
So‘nggi ma’lumotlarga ko‘ra, 36 kishi halok bo‘lgan, 1117 kishi tan jarohati olgan.
Qayd etishlaricha, zilzila qo‘shni Hindistona ham sezilgan, Nyu-Dehli va Kalkutta metrolari o‘z faoliyatini vaqtincha to‘xtatgan.
Press Trust of India’ning xabar berishicha, Hindiston sharqidagi Bihar shtatida zilzila natijasida binolarning vayron bo‘lishi oqibatida 10 kishi halok bo‘lgan.
Eslatib o‘tamiz, Nepalda 25-aprel kuni 7,9 magnitudali zilzila yuz bergandi. Undan so‘ng magnitudasi 3,2dan 6,9gacha bo‘lgan 90ga yaqin aftershoklar qayd etildi.
So‘nggi ma’lumotlarga ko‘ra, 25-apreldagi zilzila natijasida 8 mingdan ortiq odam halok bo‘ldi, 18 mingga yaqin jarohatlandi.
Izoh (0)