Rossiya prezidenti Vladimir Putin Rossiya Yevropa bilan aloqalarni to‘liq tiklashga tayyorligini ma’lum qildi, deb yozadi “RBK”. Bu haqda davlat rahbari Kremlda o‘zining chexiyalik hamkasbi Milosh Zeman bilan bo‘lib o‘tgan uchrashuvda aytib o‘tdi.
“Bizda, afsuski tovar aylanishida ba’zi pasayishlar kuzatildi, bunga iqtisodiyotdagi o‘zaro cheklovlar bilan bog‘liq tanish hodisalar sabab bo‘ldi. Bundan barcha faqat zarar ko‘rdi, bundan hech qanday yaxshilik chiqmaydi”, — dedi Putin.
“Biz buni tushunamiz va aloqalarimizni to‘liq qayta tiklashga tayyormiz”, — deya qo‘shib qo‘ydi u. Prezident nafaqat butun Yevropa, balki Sharqiy Yevropa, xususan Chexiya bilan ham aloqalarni tiklashga muvaffaq bo‘linishiga umid bildirdi.
Shu bilan birga Putin Zeman bilan suhbatda Yevropa bilan munosabatlar yangilanishi Chexiya prezidenti Zeman kabi siyosatchilar sharofati bilan amalga oshishiga umid qildi.
O‘z navbatida Zeman G‘arbning Rossiyaga qarshi sanksiyalari tez orada tugashiga ishonch bildirdi.
Izoh (0)