KXDR yangi ballistik raketani suv ostidan sinov tariqasida uchirdi. Bu haqda 9-may, shanba kuni Shimoliy Koreya davlat telegraf agentligi (KMTA) xabar berdi.
Qayd etishlaricha, raketa mamlakat yetakchisi Kim Chen Inning shaxsiy tashabbusi natijasida ishlab chiqilgan. Mamlakat rahbari raketa uchirilishini bevosita suvosti kemasidan turib kuzatdi. Parvoz aynan qayerda amalga oshirilganiga aniqlik kiritilmagan.
O‘tkazilgan sinovlarni Kim Chen In sun’iy yo‘ldosh uchirilishiga tenglashtirgan. KXDR yetakchisining so‘zlariga ko‘ra, Shimoliy Koreya armiyasi “dushman kuchlarini nishonga olib, yo‘q qila olish” imkoni bor jahon darajasidagi strategik qurolga ega ekanligini ko‘rsatgan.
13-mart kuni Pxenyan Sharqiy Xitoy dengizi tomon yettita “yer – havo” raketalarini uchirgani haqida xabar berilgan edi. Sinov tariqasida otilgan bu raketalar Janubiy Koreya kuzatuv stansiyalari tomonidan qayd etilgan.
Rasmiy Seulning fikricha, Shimoliy Koreya o‘z chegaralari yaqinida Janubiy Koreya va AQSH armiyasi tomonidan o‘tkazilayotgan birgalikdagi mashg‘ulotlardan noroziligini bildirish maqsadida bu raketalarni uchirgan.
Izoh (0)