Qohira sudi Misr sobiq prezidenti Husni Muborak va uning ikki o‘g‘lini korrupsiya bilan bog‘liq jinoyatlari tufayli 9-may kuni qamoq jazosiga hukm qildi, deb xabar beradi “RIA Novosti”.
Misr sudi 4-aprel kuni sobiq prezident Husni Muborak va uning o‘g‘illari ayblanayotgan so‘nggi ish – korrupsiya ishini qayta ko‘rib chiqishni boshlagandi.
Misr kassatsiya sudi yanvar oyida oldinroq Muborak va uning ikki o‘g‘liga nisbatan chiqarilgan hukmni bekor qilib, byudjet mablag‘larini o‘zlashtirish bo‘yicha yangi sud ishi tayinlanishi haqida qaror qilgandi. Matbuotda bu ish “saroylar ishi” nomini oldi.
Husni Muborak va uning o‘g‘illari Misr byudjetidan mamlakat rahbari saroyini ta’mirlash va restavratsiya qilishga ajratilgan 125 million Misr funti (taxminan 18 million dollar)ni o‘zlashtirib olgan. Ayblovchi tomon pullar sobiq prezident oilasining shaxsiy uy va ofislarini qurishga sarflanganini ta’kidlagan.
Ushbu ish bo‘yicha aybdor deb topilgan Muborak 3 yilga, uning o‘g‘illari esa 4 yilga ozodlikdan mahrum qilindi.
Izoh (0)