Россия президенти Владимир Путин Россия Европа билан алоқаларни тўлиқ тиклашга тайёрлигини маълум қилди, деб ёзади «РБК». Бу ҳақда давлат раҳбари Кремлда ўзининг чехиялик ҳамкасби Милош Земан билан бўлиб ўтган учрашувда айтиб ўтди.
«Бизда, афсуски товар айланишида баъзи пасайишлар кузатилди, бунга иқтисодиётдаги ўзаро чекловлар билан боғлиқ таниш ҳодисалар сабаб бўлди. Бундан барча фақат зарар кўрди, бундан ҳеч қандай яхшилик чиқмайди», — деди Путин.
«Биз буни тушунамиз ва алоқаларимизни тўлиқ қайта тиклашга тайёрмиз», — дея қўшиб қўйди у. Президент нафақат бутун Европа, балки Шарқий Европа, хусусан Чехия билан ҳам алоқаларни тиклашга муваффақ бўлинишига умид билдирди.
Шу билан бирга Путин Земан билан суҳбатда Европа билан муносабатлар янгиланиши Чехия президенти Земан каби сиёсатчилар шарофати билан амалга ошишига умид қилди.
Ўз навбатида Земан Ғарбнинг Россияга қарши санкциялари тез орада тугашига ишонч билдирди.
Изоҳ (0)