Ёқутистонда суд қабрдан смартфонни ковлаб олган 36 ёшли муқаддам судланган маҳаллий фуқарога нисбатан айблов ҳукмини чиқарди. Бу ҳақда Саха-Ёқутистон Республикаси прокуратураси хабар берди.
Ҳодиса 2014 йил ёзида судланувчи гўрков бўлиб ишлаган вақтида содир бўлган. Қабристон ишчиларидан бири ширакайфлик чоғида унга ёш йигитнинг дафн маросимида қариндошлари қабрга мобил телефон қўйганини айтиб беради. Ёвуз ниятли эса алкоголь мастлик ҳолатида гўрни кавлаб очади ва тобутда жасад ёнида турган iPhone 4s’ни ўзига олади.
Маълум бўлишича, айбланувчи 2010 йилда жазо ўташ муассасасидан чиққан, қабристондаги жиноят эса шартли судланиш даврида амалга оширилган. Эркак Россия Жиноят кодексининг «Дафн этиш жойларига зарар етказиш» моддаси бўйича айбдор деб топилди ва етти ойлик ахлоқ тузатиш ишларига ҳукм қилинди.
Изоҳ (0)