O‘zbekistonda bolalar bog‘chalarini kapital ta’mirlash bo‘yicha eng yirik loyiha boshlandi

O‘zbekiston hukumati maktabgacha ta’lim muassasalariga yo‘naltirilgan mustaqillik yillaridagi eng yirik loyihani amalga oshirishga kirishdi, deya xabar bermoqda Uzbekistan Today. 273 ta bolalar bog‘chasi shu yilning o‘zidayoq ta’mirlanadi.

Loyiha “Sog‘lom bola yili” Davlat dasturi doirasida ishlab chiqilgan, 2015—2020-yillarda maktabgacha ta’limni rivojlantirish dasturiga kiritilgan.

Mamlakatda 4930 ta davlat bolalar bog‘chalari, binolari va o‘yin maydonchalari bor, ularning ko‘pchiligi kapital ta’mir va rekonstruksiyaga ehtiyojmand. Xalq ta’limi vazirligi ushbu muammoni besh yil davomida hal qilmoqchi.

Bu yil 273 ta maktabgacha ta’lim muassasalarini kapital ta’mirdan chiqarish rejalashtirilgan. Bir vaqtning o‘zida ularni yangi jihozlar va boshqa zaruriy inventarlar bilan ta’minlash masalalari ham hal etiladi. Ushbu maqsadlarga viloyat, shahar va tuman  hokimiyatlari tomonidan jami 166,7 milliard so‘m yo‘naltiriladi.