9-may — Xotira va qadrlash kuni arafasida Mirzo Ulug‘bek nomidagi O‘zbekiston Milliy universiteti Jurnalistika va Ijtimoiy fanlar fakultetlari yangi o‘quv binosining tantanali ochilish marosimi bo‘lib o‘tdi, deya xabar bermoqda “Turkiston-press”.
Yangi binoda o‘qituvchi va talabalar uchun barcha sharoitlar mavjud. Keng va yorug‘ auditoriyalar, zamonaviy jihozlangan teleradio studiyalari, adabiyotlar bilan boy kutubxona shular jumlasidan. Fakultet binosi atrofini obodonlashtirish maqsadida intensiv bog‘ barpo etildi.
Tadbir doirasida Jurnalistika fakulteti bitiruvchilarini ish bilan ta’minlash maqsadida mehnat yarmarkasi ham tashkil etildi.
Bu yil Jurnalistika fakultetini bakalavr yo‘nalishida 76, magistratura yo‘nalishida 20 nafar talabalar hamda oliy jurnalistika kursining 35 nafar tinglovchilari bitiradi. Ularni ish bilan ta’minlash maqsadida ilk bor fakultetning o‘zida mehnat yarmarkasi o‘tkazildi. Unda bosma ommaviy axborot vositalari, teleradiokanallardan tashqari vazirlik, qo‘mita va turli tashkilotlar axborot xizmatlaridan ham mas’ul xodimlarbo‘sh ish o‘rinlari bilan ishtirok etdi.
Mehnat yarmarkasida bitiruvchi talabalar o‘zlarini qiziqtirgan yo‘nalishda ish topish imkoniga ega bo‘ldi
Izoh (0)