Amerikalik bokschi Floyd Meyvezerning sobiq ma’shuqasi Jozi Xarris bokschidan 20 million dollar talab qilmoqda, deb xabar beradi TMZ.
Floyd va Jozining uch nafar farzandi bor. 2010-yilning sentabrida Meyvezer Xarris bilan janjallashib qolganidan so‘ng, unga qo‘l ko‘targan. Bokschi bu ishi uchun aybdor deb topildi va 2012-yil yozida 2 oy qamoqda o‘tirdi. Joriy yilning aprel oyida sportchi ommaviy chiqish qilib, janjal vaqtida Xarrisning narkotiklar ta’siri ostida bo‘lganini ma’lum qildi.
Endi ayol ma’naviy zararni qoplash uchun 20 million undirib olmoqchi. Xarris narkotik qabul qilganini rad etyapti. Bundan tashqari, Meyvezer so‘zlaridan so‘ng uning obro‘siga butkul putur yetganini aytdi.
Xarrisning da’vosi 2-may kuni Meyvezer filippinlik Menni Pakyao ustidan g‘alaba qozonganidan so‘ng darhol berildi.
Jang kuni Meyvezer 100 million dollarga chek oldi. Teletranslyatsiyalardan tushgan daromadlar hisoblab chiqilganidan so‘ng, bu summaga yana 50—80 million dollar qo‘shiladi.
Izoh (0)