Angliya Premyer-ligasining 2014/15-yilgi mavsumi chempioni aniqlandi. Londonning “Chelsi” klubi 35-turda “Kristal Pelas” ustidan 1:0 hisobida g‘alaba qozondi, deb xabar qiladi “Sports.ru”.
“Kristal Pelas” ustidan erishilgan g‘alabadan so‘ng hech qaysi jamoada “Chelsi”ga yetib olish imkoniyati qolmadi va klub chempionat tugashiga 3 tur qolganda, muddatidan oldin chempionga aylandi.
“Chelsi” o‘z tarixida beshinchi marta Angliya chempionatida g‘alaba qozondi. Bungacha jamoa 1954/55, 2004/05, 2005/06 va 2009/10-yilgi mavsumlarda Angliyada tengsiz bo‘lgandi. Qizig‘i, bu chempionlik unvonlarining 3 tasiga jamoani Joze Morinyo boshlab kelgan.
Ushbu g‘alaba bilan “Chelsi” klubi ishqibozlarini muborakbod etamiz.
Izoh (0)