Америкалик боксчи Флойд Мейвезернинг собиқ маъшуқаси Жози Харрис боксчидан 20 миллион доллар талаб қилмоқда, деб хабар беради TMZ.
Флойд ва Жозининг уч нафар фарзанди бор. 2010 йилнинг сентябрида Мейвезер Харрис билан жанжаллашиб қолганидан сўнг, унга қўл кўтарган. Боксчи бу иши учун айбдор деб топилди ва 2012 йил ёзида 2 ой қамоқда ўтирди. Жорий йилнинг апрель ойида спортчи оммавий чиқиш қилиб, жанжал вақтида Харриснинг наркотиклар таъсири остида бўлганини маълум қилди.
Энди аёл маънавий зарарни қоплаш учун 20 миллион ундириб олмоқчи. Харрис наркотик қабул қилганини рад этяпти. Бундан ташқари, Мейвезер сўзларидан сўнг унинг обрўсига буткул путур етганини айтди.
Харриснинг даъвоси 2 май куни Мейвезер филиппинлик Мэнни Пакьяо устидан ғалаба қозонганидан сўнг дарҳол берилди.
Жанг куни Мейвезер 100 миллион долларга чек олди. Телетрансляциялардан тушган даромадлар ҳисоблаб чиқилганидан сўнг, бу суммага яна 50—80 миллион доллар қўшилади.
Изоҳ (0)