Amerika hukumati politsiyachilar uchun kiyimga taqiladigan kameralarga 20 million dollar ajratadi, deya xabar bermoqda “RBK”. Sinov dasturining ishga tushishi haqida mamlakat adliya vazirligi e’lon qilgan. Dasturdan maqsad — huquqni muhofaza qilish organlarining zaruriy ehtiyojlarini ta’minlash.
AQSh bosh prokurori Loretta Linch so‘zlariga ko‘ra, bunday kameralarning tarqalishi huquqni muhofaza qilish organlari xodimlari va fuqarolar uchun shaffoflik, javobgarlikni oshirish va xavfsizlikni yanada ta’minlashga imkon yaratadi.
Bunday muammo politsiya ishtirokidagi fojiaviy voqealardan so‘ng Amerika hukumati oldida paydo bo‘ldi. Jumladan qoratanli Freddi Grey Baltimor politsiyachilari tomonidan qo‘lga olinganidan so‘ng vafot etgach, Amerikaning qator shaharlarida politsiyaning tajovuzkor xatti-harakatlariga qarshi ommaviy norozilik aksiyalari boshlanib ketdi.
Izoh (0)