AQSHning Ayova shtati ma’muriyati ommaviy ravishda parranda grippi tarqalgani munosabati bilan 1-may kuni favqulodda holat e’lon qildi. Bu haqda Korrespondent.net xabar bermoqda.
“Virus Ayovada tarqalishidan avval ham idoramiz boshqa shtatlardagi kasallik o‘choqlarini kuzatib borayotgan edi. Ayovada virusning tarqalishi oldini olish maqsadida biz kasallik Byun-Vist okrugida ilk bor qayd etilganida boshlagan ishlarimizni amalga oshirishda davom etamiz”, - deyiladi shtat gubernatori Terri Brenstadning bayonotida.
Bayonotda qayd etilishicha, virus hozirgi vaqtda odamlar hayotiga tahdid solayotgani yo‘q. Favqulodda holat tartibi 2015-yilning 31-may kuniga qadar amalda bo‘ladi. Shtat ma’muriyati vaziyatdan kelib chiqib favqulodda holat tartibi muddatini yanada uzaytirishi yoki uni muddatidan avval bekor qilishi mumkin.
Avvalroq mahalliy sog‘liqni saqlash vazirligi dastlabki tadqiqotlarga asoslanib virus 2,3 milliondan ortiq parrandaga zarar yetkazishi mumkinligini ma’lum qilgandi. Hozircha Ayovadagi ikkita parrandachilik fermasida kasallik aniqlangan, ularda jami 2 millionga yaqin parranda bor.
Izoh (0)