Yaponiya va AQSh “Progress M-27M” yuk kemasi halokati tufayli, 26-may kuni Xalqaro kosmik stansiyasi (XKS)ga yangi ekspeditsiyani yuborish rejasini muhokama qilmoqchi, deb yozadi “TASS”.
Yaponiya aerokosmik tadqiqotlar agentligi (JAKSA) kosmonavtlari va NASA astronavtlaridan iborat bo‘ladigan ekspeditsiyani XKSga yuborish rejasi 11-maydan keyin, Rossiyaning “Progress” qurilmasi halokati sabablari o‘rganib chiqilgach, qayta ko‘rib chiqiladi.
Yangi ekspeditsiya ekipajini XKSga eltadigan “Soyuz TMA-17M” kemasi starti qoldirilishi ham mumkin.
Eslatib o‘tamiz, Rossiyaning “Progress M-27M” yuk tashuvchi kosmik kemasi nazoratni yo‘qotib, Yer orbitasidan tushib keta boshlagan va atmosferaning qalinroq qatlamlariga kirib, yonib ketgan edi. “Progress M-27 M” yuk tashuvchi kosmik kemasi yaqinida topilgan bo‘laklar orbitasi tahlili kema tashuvchi raketadan ajralayotgan vaqtida portlash sodir bo‘lganiga ishora qildi.
Izoh (0)