AQShning Merilend shtati Baltimor shahrida afro-amerikalik Freddi Grey o‘limiga aloqador olti politsiyachi qo‘lga olindi, deya xabar bermoqda “Exo Moskvi”.
Ularga yangi ayblovlar qo‘yiladi. Huquq-tartibot xodimlari, xususan, ikkinchi darajali qotillik va ehtiyotsizlik tufayli o‘lim keltirib chiqarish bo‘yicha ayblanadi.
Merilend prokurori Merilin Mosbi politsiyachilar 25 yoshli erkakka tibbiy yordam ko‘rsatishi mumkin bo‘lganini e’tirof etdi, u buni politsiyachilardan ikki marta so‘ragan va rad javobi olgan.
Uni hibsga olishda qatnashgan politsiyachilar shuningdek, unga nisbatan zo‘ravonlik, tahdid qo‘llaganlikda, noqonuniy ravishda uni ozodlikdan mahrum etganlikda ayblanmoqda.
Bu orada Baltimor politsiyachilari kasaba uyushmasi ayblanuvchilar yigitning o‘limi uchun javobgar emasligini ma’lum qildi.
Izoh (0)