Qozog‘istonning Olma-ota shahrida 30 nafar oshpaz dunyoda eng katta miqdordagi lag‘mon tayyorladi, uning og‘irligi 687 kilogrammni tashkil etdi, deb xabar qiladi “Tengrinews.kz”.
Dunyodagi eng katta lag‘mon Qozog‘iston xalqi birligi kuni va Qozoq Geografiya Jamiyatining besh yilligi munosabati bilan Olma-otadagi Uyg‘ur teatri yonidagi maydonda tayyorlandi.
Rekordni qayd etgan Ginnesning Rekordlar kitobi vakili Benjamin Bekxausning so‘zlariga ko‘ra, shu kungacha katta miqdorda lag‘mon tayyorlash bo‘yicha rekord bo‘lmagan, chunki minimal vazn 500 kg bo‘lishi talab etilgan. Ushbu rekord 2016-yilda kitobga kiritiladi.
Lag‘mon tayyor bo‘lib, rekord qayd qilinganidan so‘ng ovqat yig‘ilganlarga ulashildi.
Eslatib o‘tamiz, o‘tgan yili o‘zbekistonlik Hakim G‘aniyev 350 kilogramm lag‘mon tayyorlagandi.
Izoh (0)