Germaniya kansleri Angela Merkelning ma’lum qilishicha, joriy siyosiy tushunmovchiliklarga qaramay, Germaniya Rossiya bilan mavjud iqtisodiy hamkorlikni to‘xtatishni xohlamaydi. Bu haqda “Korrespondent.net” xabar bermoqda.
Angela Merkelning qayd etishicha, hozirgi vaqtda ikki mamlakatda ham siyosiy muammolar kuzatilayotgan bo‘lib, ularni siyosiy muloqotlar vositasida hal qilmoq kerak.
“Biz istiqbolda yirik, xususan, Rossiyani ham qamrab oladigan erkin savdo hududi tashkil etilishini ko‘rmoqdamiz”, - dedi Merkel Shtralzundda bo‘lib o‘tgan iqtisodiy forumda.
Germaniya hukumati rahbarining ta’kidlashicha, Ukraina va Moldova bilan imzolangan Yevropa Ittifoqi bilan uyushish to‘g‘risidagi shartnomalar Rossiyaga qarshi qaratilgan emas.
“Biz, Vladimir Putin bir vaqtlar aytganidek – Vladivostokdan Lissabonga qadar bo‘lgan umumiy iqtisodiy makonga yaqinlashish uchun qadamba-qadam odimlayapmiz”, - deya qo‘shimcha qildi u.
Buning uchun, Merkelning fikricha, ma’lum bir qiyinchiliklar yuzaga kelgan taqdirda ham, avvalo Ukrainadagi vaziyatni barqarorlashtirish bo‘yicha Minsk kelishuvlari talablarini bajarish kerak.
Izoh (0)