Samsung, HTC va boshqalarning 1-aprel hazillari bilan tanishing (foto)

“Mobinfo.uz” mobil texnika va mobil dastur ishlab chiquvchilarining eng qiziqarli 1-aprel hazillarini jamladi.

Galaxy Blade Edge “aqlli pichog‘i”

Samsung kompaniyasi 1-aprel — Hazil kunini Galaxy S6 flagman smartfonining “aqlli” pichoqqa aylantirilgan versiyasi bilan nishonladi. Koreya kompaniyasi ta’kidlashicha, pichoq Knox xavfsizlik tizimi bilan integratsiyalashgan bo‘lib, u teriga tegish vaqtida avtomatik ravishda pichoqning tig‘ini yo‘qotadi. Bundan tashqari, “suv yuqtirmaydigan” pichoq yordamida suratga olish ham mumkin.

HTC Re Sok smart paypog‘i

HTC kompaniyasi smartfon bilan integratsiyalashib, kichik displeyida bildirishnoma va SMS’lar kelganini ko‘rsatib turuvchi hamda ularni ovoz chiqarib o‘qib beruvchi “aqlli paypoq”ni taqdim etdi. Paypoq yo‘qolib qolsa, GPS-treker orqali uni qidirib topish mumkin.

Tinder va Uber

Tinder onlayn tanishuv dasturi va Uber taksi chaqirish uchun yangi xizmatni ishga tushirdi. Bunda agar juft qidirishda tanlov haydovchiniki bilan bir xil bo‘lib chiqsa, yo‘lovchi yo‘lkira haqini haydovchi bilan bo‘lishadi.

Eslatib o‘tamiz, 1-aprel — Hazil kuni munosabati bilan Google ham o‘z servislarida turli hazilomuz aksiyalarni ishga tushirgan edi.