Samsung, HTC ва бошқаларнинг 1 апрель ҳазиллари билан танишинг (фото)
«Mobinfo.uz» мобил техника ва мобил дастур ишлаб чиқувчиларининг энг қизиқарли 1 апрель ҳазилларини жамлади.
Galaxy Blade Edge «ақлли пичоғи»
Фото: mobinfo.uzSamsung компанияси 1 апрель — Ҳазил кунини Galaxy S6 флагман смартфонининг «ақлли» пичоққа айлантирилган версияси билан нишонлади. Корея компанияси таъкидлашича, пичоқ Knox хавфсизлик тизими билан интеграциялашган бўлиб, у терига тегиш вақтида автоматик равишда пичоқнинг тиғини йўқотади. Бундан ташқари, «сув юқтирмайдиган» пичоқ ёрдамида суратга олиш ҳам мумкин.
HTC Re Sok смарт пайпоғи
Фото: mobinfo.uzHTC компанияси смартфон билан интеграциялашиб, кичик дисплейида билдиришнома ва SMS’лар келганини кўрсатиб турувчи ҳамда уларни овоз чиқариб ўқиб берувчи «ақлли пайпоқ»ни тақдим этди. Пайпоқ йўқолиб қолса, GPS-трекер орқали уни қидириб топиш мумкин.
Tinder ва Uber
Фото: mobinfo.uz
Тinder онлайн танишув дастури ва Uber такси чақириш учун янги хизматни ишга туширди. Бунда агар жуфт қидиришда танлов ҳайдовчиники билан бир хил бўлиб чиқса, йўловчи йўлкира ҳақини ҳайдовчи билан бўлишади.
Эслатиб ўтамиз, 1 апрель — Ҳазил куни муносабати билан Google ҳам ўз сервисларида турли ҳазиломуз акцияларни ишга туширган эди.
Изоҳ (0)