Ommabop AnTuTu testi ekspertlari 2015-yilning birinchi choragi yakunlari bo‘yicha o‘z benchmarklarida sinovdan o‘tkazilgan eng unumli smartfonlar reytingini tuzdi, deya xabar bermoqda “Mobinfo.uz”.
Reytingda Galaxy S6 (67 520 ball) va Galaxy S6 Edge (62 373 ball) so‘zsiz yetakchilik qildi. Nashrning eslatishicha, ularning har ikkalasi 8 yadroli Exynos 7420 protsessori bilan jihozlangan. Uchinchi o‘rinni HTC One M9 (52 709 ball) egalladi.
To‘rtinchi pog‘onada Qualcomm Snapdragon 805 protsessoriga ega Galaxy S5 (yevropacha varianti) joylashdi. Quvvatlilik bo‘yicha keyingi o‘rinlarni Meizu MX4, Google Nexus 6 va Galaxy Note 4 bir-biriga yaqin natijalar bilan band qildi. Yuqori o‘nlikni Motorola Droid Turbo, LG G Flex 2 va OnePlus One yakunladi.
Izoh (0)