Shveysariyaning Syurix shahridagi hayvonot bog‘ida yashovchi fillar oilasi haqidagi videolavha internet tarmog‘ida mashhur bo‘lib ketdi, deb yozadi Metro. Unda yiqilib tushib, oyog‘i osmonda bo‘lib qolgan bir yarim oylik filchaga oila a’zolari yordamga shoshilgani aks etgan. Ikki oy avval e’lon qilingan videoni bugungi kungacha 3,3 million marta tomosha qilishgan.
Mustaqil yurishga endi-endi o‘rganayotgan filcha chuqurlikdan chiqa olmay, chalqanchasiga yiqilib tushadi. Ikkita katta fil uning ovozini eshitishi bilan bir zumda yordamga yetib keladi. Filchani o‘nglab qo‘ygach, oila a’zolari uni uzoq vaqt bag‘irlaridan chiqarmay turishadi.
YouTube foydalanuvchilari lavhani ko‘rib, hayratdan yoqa ushlamoqda. “Qoyil, ular filcha xavf ostida emasligini ko‘rib tursa ham, uning yoniga yugurib kelishdi. Bu insonlarga xos xususiyat”, — deb yozadi ulardan biri.
Izoh (0)